На 28 октомври 2022 година во центарот на Тетово беше организиран јавен настан во рамките на отворените денови на Јавната кампања „Блокирај ја омразата. Сподели ја љубовта“ на кој на граѓаните им беа поделени брендирани маички, торби, брошури, беџови, алки и стикери. Иницијативата имаше за цел да ја подигне свеста кај граѓаните за различните форми на говор на омраза и дискриминација кои се насочени кон одредени заедници и поединци, како и да промовира различни начини за борба против говорот на омраза, пред сè преку ширење позитивни пораки за прифаќање и почитување на различностите.
